Sunday 22nd November 2026

चीनले केरुङको नेपाली भूभागमै सामान ल्याइदिने


आइतबारदेखि चीनले रसुवागढी नाकाको नेपाली भूमिमै सामान ल्याइदिने भएको छ । यसअघि चीनले रसुवागढी नाकाको मितेरीपुलको बीचमा सामान झारिदिने गरेको थियो । नेपाली पक्षले रसुवागढी नाकाको सय मिटरमा रेखांकनलगायत व्यवस्थापन कार्य सम्पन्न गरेकाले नेपाली भूभागमै सामान ल्याइदिने चिनियाँ पक्षले बताएको रसुवा भन्सार कार्यालय टिमुरेका भन्सार प्रमुख पुण्यविक्रम खड्काले बताए ।

‘१० मिटरबराबर गाडी राख्ने ठाउँलाई एउटा रङले रेखांकन गरिएको छ भने सामान झार्ने ठाउँमा अर्को रङले रेखांकन गरिएको छ, त्यसैगरी, चिनियाँ गाडी आएर बस्ने ठाउँमा अर्को रङले रेखांकन गरिएको छ, नेपाली गाडी बस्ने ठाउँ रेखांकन गरिएको छ,’ उनले भने, ‘चिनियाँ गाडी आफ्नै ठाउँमा बस्छ, नेपाली गाडी नेपाली साइटमा बसेर लोड गर्छ ।’

चिनियाँ पक्षले एकपटकमा ल्याएको पाँच गाडी सामान झारेर फर्किएपछि नेपाली कन्टेनर र कामदारले सामान लोड गर्छन् । सामान लोड गरिसकेपछि पुनः चिनियाँ पक्ष सोही स्थानमा आएर डिसइन्फेक्सन गर्छन् र पुनः चिनियाँ पाँचवटा सवारीमा सामान ल्याएर झार्छन् । चिनियाँ एउटा सवारीमा आएको सामान नेपाली दुईवटा सवारीमा राखिँदै आएको छ ।

भन्सार प्रमुख खड्काले भने, ‘चिनियाँ पक्षले सामान अनलोड गर्दा त्यो एरिया आइसोलेटेड एरिया हुन्छ, त्यहाँ नेपाली कोही हुँदैनन् । उनीहरू फर्किएपछि मात्र हाम्रो तर्फबाट सामान लोड हुन्छ, हाम्रो सामान लोड भइसकेपछि पुनः उनीहरूले डिसइन्फेक्सन गर्नेछन् ।’

-नयाँपत्रिका दैनिकबाट


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...