आजभोलि चुचुरोको फेदमा झरेर बसेको छु ।
पुनःचढ्ने आशामा केहि पर सरेर बसेको छु ।
के पुरा होला र? मेरो गन्तव्यमा पुग्ने चाहना
फेरि उहि बाटो फर्कने इच्छा गरेर बसेको छु ।
चामल हैन बोल्नेले पिठो नै बिकाउन सक्छ ।
साँचो भन्दापनि यहाँ झुट नै टिकाउन सक्छ ।
जिन्दगी को उतारचढावमा हरेस नखानुहोस्
हारले नै मानिसलाई जित्न सिकाउन सक्छ ।
कसरि भनौं मेरो आँखामा हिँजो कै चित्र छ ।
ह्रदय भरि हरदम त्रास सँगै प्यास बिचित्र छ ।
न त कोहि सुनिदिन्छ न त हेर्दा देख्छ कसैले
बाहिर शान्त देखिन्छु कोलाहल मन भित्र छ ।
-राम भण्डारी
सिन्धुपाल्चोक
हालः काठमाडाैं ।
