यो संसार भरिको मानव जाली छ ।
र’त यो चेलीको सिउँदो खाली छ ।
न्याय दिने कार्यालय पैसामा बिक्छ,
र’त दोषीलाइ अदालतमा ताली छ ।
जनताहरू सुताउने कोक्रो बनाएछौ नेता ज्यू ।
कमिसनहरू राख्ने धोक्रो बनाएछौ नेता ज्यू ।
कहिले बाढी पीडित, कैले भूकम्प पीडित भन्दै,
देशको ढुकुटीलाइ खोक्रो बनाएछौ नेता ज्यू ।
प्यारको डोरी बाटेर गयौ कहाँ?
यौवनको रंग साटेर गयौ कहाँ?
मलाइ एक्लै बर्बाद पारेर तिमीले,
नआउने गरि ढाँटेर गयौ कहाँ?
तिम्रो आगमनले यो जिन्दगी फुलेको छ ।
बादल लागेको आकाश पनि खुलेको छ ।
तिमी मेरो मन्दिरमा चढाउने फुल भएसी,
घायल मनले साइँलीको भट्टी भुलेको छ ।
-मुस्कान ‘मुस्कान’
धनकुटा, पाख्रीबास
मो. नं. 9848877361
