Thursday 19th November 2026

चोटीला ४ मुक्तकहरू -मुस्कान ‘मुस्कान’


यो संसार भरिको मानव जाली छ ।
र’त यो चेलीको सिउँदो खाली छ ।
न्याय दिने कार्यालय पैसामा बिक्छ,
र’त दोषीलाइ अदालतमा ताली छ ।

जनताहरू सुताउने कोक्रो बनाएछौ नेता ज्यू ।
कमिसनहरू राख्ने धोक्रो बनाएछौ नेता ज्यू ।
कहिले बाढी पीडित, कैले भूकम्प पीडित भन्दै,
देशको ढुकुटीलाइ खोक्रो बनाएछौ नेता ज्यू ।

प्यारको डोरी बाटेर गयौ कहाँ?
यौवनको रंग साटेर गयौ कहाँ?
मलाइ एक्लै बर्बाद पारेर तिमीले,
नआउने गरि ढाँटेर गयौ कहाँ?

तिम्रो आगमनले यो जिन्दगी फुलेको छ ।
बादल लागेको आकाश पनि खुलेको छ ।
तिमी मेरो मन्दिरमा चढाउने फुल भएसी,
घायल मनले साइँलीको भट्टी भुलेको छ ।

-मुस्कान ‘मुस्कान’
धनकुटा, पाख्रीबास
मो. नं. 9848877361


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...