Thursday 19th November 2026

५ समसामयिक मुक्तकहरू -राम भण्डारी


भाग्यले किन बारम्बार सिन्धुलाई ठग्यो रे ।
लाला-बाला समेत लाई निर्दयीले लग्यो रे ।
पटक पटक लागेको घाउमा खाटा नबस्दै
हे ईश्वर! सुन्दैछु आजफेरी सिन्धु बग्यो रे ।

हिँजोआज काम भन्दा कुरा हुन्छ धेरै ।
व्यवहार भन्दा मुखले नै पुरा हुन्छ धेरै ।
ध्यान एउटै कमाउने अरु भ्रममा पारी
लगानी डुबाउने सुन्दरी र सुरा हुन्छ धेरै ।

जसो-तसो जिन्दगी जिइदिउँ कि कसो ।
फाटेको मन जतनले सिइदिउँ कि कसो ।
व्यथा भुलि दिलबाट एक्लोपना हटाउन
सराब त्यो मित्र सम्झि पिइदिउँ कि कसो ।

राखि दिएँ तिम्रो हातमा हात मिलेन भन्यौ ।
हाम्रो माया प्रेममा किन बात मिलेन भन्यौ ।
कुरीतिको पर्खाल तोड्दै बाधाहरु हटाएर
आएँ तिम्रो साथ अहिले जात मिलेन भन्यौ ।

धेरै बहाना बनाएर जनता लुटेको देखियो ।
आफू-आफू कुरा नमिलेर फुटेको देखियो ।
झगडा गरे जस्तो जनतामा भ्रम फैलाउँदै
आखिर खाने बेलामा फेरि जुटेको देखियो ।

-राम भण्डारी
सिन्धुपाल्चोक
हालः काठमाडाैँ ।


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...