समयसँगै चल्ने एउटा बलियो घडी बनाई दिनुहोस् ।
पापी कोभिडलाई बाँध्ने हतकडी बनाई दिनुहोस् ।
यस्तो महामारीलाई पृथ्वीतल बाटै भगाउनलाई
लौन भगवान! एउटा जादुको छडी बनाई दिनुहोस् ।
पृथ्वी भरि महामारीले सगरमाथा टेकेको छ ।
हाम्रो भविष्यलाई कालो बादलले छेकेको छ ।
भोलि वा पर्सि होईन सताईरहन्छ हरेक क्षण
मर्ने बाँच्ने के ठेगान ऋणले ढाड सेकेको छ ।
जिवित छँदै मनका ईच्छा मार्नु हुँदैन ।
आँखा बाट मोतीका दाना झार्नु हुँदैन ।
संघर्ष गर्दै जाऔं दृढ अठोटका साथ
जिवनलाई घर न घाटको पार्नु हुँदैन ।
-राम भण्डारी
सिन्धुपाल्चोक
हालः काठमाण्डु ।
