तितोपाटी – विश्वव्यापी महामारीको रूपमा विश्व मानब समुदायलाइ नै चपेटामा पारेको कोभिड-19 नोवल कोरोना भाइरसको कारण नेपालमा एकै दिन १४ जनाको मृत्यु भएको छ । यो सँगै नेपालमा कोरोनाको कारण ज्यान गुमाउनेको संख्या २७१ पुगेको स्वास्थ्य तथा जनसंख्या मन्त्रालयका प्रवक्ता प्रा. डा. राजेश्वर गाैतमले बताएका छन् ।
मृत्यु हुनेमा ४ महिला र १० जना पुरुष रहेका छन्। मृत्यु हुने महिलामा तीनजना काठमाडौंका छन् भने एक जना चितवनकी हुन् । मन्त्रालयका अनुसार काठमाडौंका ८२, ६७ र २२ वर्षीया र चितवनकी ३५ वर्षीया महिलाको मृत्यु भएको हो ।
त्यसैगरी सप्तरीका दुईजना ५५ वर्षीय, धनुषाका ६५ वर्षीय, कास्कीका ३१ वर्षीय, नवलपरासीका ३७ वर्षीय, प्युठानका ५८ वर्षीय, रुपन्देहीका ७८ वर्षीय, पाल्पाका ६३ वर्षीय र सुर्खेतका ४२ वर्षीय पुरुषको निधन भएको गौतमले जानकारी दिए ।
यस अघि पनि भाद्र १४ गते अाइतबार पनि १४ जनाको मृत्यु भएको थियो ।
