दुईटा शुन्य भएको कस्तो रैछ बर्ष यो – कोरोना बोकेर आयो बरिलई।
दु:खको कुरा गर्दा दु:ख बढी जान्छ – कोठामा भए नि हाँस बरिलई।१।
अर्को साल त के कसो हुने हो – अहिलेको तिजमा नाच बरिलई।
अनेक कष्ट, कहरको बीचमा – बारुले कम्मर भाँच बरिलई।२।
टिकटकको जमाना चल्दैछ आज यो- फोनमा गित लगाऊ नाच बरिलई।
दूध पिउने हैनओखती छैन – संसारमा गोरु ब्यायो बरिलई।३।
मान्छेलाई देख्दा खेरी मान्छे नै तर्सिने – यो कस्तो जीवाणु आयो बरिलई
आमादेखी भागी-भागी पर-पर दगुर्ने – यो कस्तो सकस आयो बरिलई।४।
मुख छोप्ने मोहोलो छ मान्छे चिनिँदैन – आफन्त बाघ झैँ लाग्यो बरिलई।
दिदी लिन जाऊ बाबु भन्नुभयो आमाले – मेरो भाइ डरले भाग्यो बरिलई।५।
-हरि शर्मा (सुबेदी)
नुवाकोट-गलकोट, बागलुङ नेपाल
हाल: मिशिगन अमेरिका
