अछामको कैलाश खोलामा आएको बाढीले रामारोशन गाउँपालिका वडा नम्बर ५ मा पर्ने सैनी बजार बगाउँदा दर्जनाै स्थानीय बेपत्ता भएका छन्। अहिले सम्म ६ जनाको शब फेला परेको छ मृतकहरूको सनाखत भइसकेको छैन । कैलाश खोलाको बाढीले पुल नै भत्काएको छ ।
जिल्ला प्रहरी कार्यालयका डीएसपी योगेन्द्रसिंह थापाका अनुसार ४ जनाको शव बान्नीगढी जयगढ गाउँपालिका–६ दर्नाको कोसेडा क्षेत्र र २ जनाको शव मंगलसेन नगरपालिका-३ रलेको लमतणा र सेरीमा भेटिएको छ ।
बाढीले सिंगो बजार नै बगाए पछि नेपाल प्रहरी, सशस्त्र प्रहरी, नेपाली सेना र स्थानीयवासी उद्धारमा खटिएका छन् । खोला छेउमा रहेको पुरै बजार बगाए पनि यकिन विवरण आउन बाँकी रहेको प्रहरीले जनाएको छ । बाढीले दर्जनौं परिवार विस्थापित भएका छन् ।
बाढीले सैनीबजारलाइ बगरमा परिणत गराएको छ भने खालबजार, मुजाबगर, गजड, अल्लेडी लगायत धेरै ठाउँमा मानवीय र भौतिक क्षति भएको छ ।
-कान्तिपुरबाट
