सानी
छन्द:वसन्ततिलका
वर्ण-१४
उक्ता वसन्ततिलका तभजा जगौ ग: ।
लक्षण-
त भ ज ज गण गु गु (दुई गुरुवर्ण) भएको छन्द बसन्ततिलका हुन्छ ।
त भ ज ज गु गु
SSI SII ISI ISI S S
ताराज भानस जभान जभान गु गु
~~~~~~~~~~~~~~~~~~~~~~~~
गर्जिन्छ बादल तथापि परेन पानी।
जल्दैछ जंगल पहाड हुँदै खरानी ।
आकाश धुम्म छ अशान्त बनेर कस्तो।
बढ्दैछ दानव प्रबृत्ति बिनाश सस्तो।१।
संघर्ष तैपनि अनेक प्रयास सानी ।
बिक्रान्त मानव विचार सदा सिरानी ।
निश्चिन्त साँझ र बिहान अटेर जस्ती ।
सौजन्य काम छ किसान महान कस्ती ।२।
हरि शर्मा (सुबेदी)
नुवाकोट-गलकोट, बागलुङ नेपाल
हाल: मिसिगन अमेरिका ।
