कसैलाई कोरोनाले छुन्छ भन्ने पिर ।
कसैलाई लागेपछि निको पार्ने पिर ।१।
कसैलाई छ जागिर गुमेकोमा पिर ।
कसैलाई कुर्सिमाथि उघेँको छ पिर ।२।
कसैलाई ब्यापारमा घाटाको छ पिर ।
कसैलाई एक छाक आटाको नि पिर ।३।
कसैलाई अरु कतै जित्लान् भन्ने पिर।
कसैलाई नाङ्गो फोटो खिच्दाको छ पिर ।४।
डाक्टरलाई बिरामी जाँच्दाको नै पिर ।
बिरामीलाई आफ्नो खुट्टा भांच्दाको पिर ।५।
कसैलाई कमाउन नसकेको पिर ।
कसैलाई भएको नि गुमाएको पिर ।६।
कसैलाई फेस्बुकमा लाईक नपा पिर ।
कसैलाई चलाउनै नआएको पिर ।७।
कसैलाई अरु कोही नटेरेको पिर ।
कसैलाई वाक्क-दिक्क बनाएको पिर।८।
होला कतै कोही मान्छे नभएको पिर ।
यस्तो मान्छे भेटिएमा इक्षा हुन्थ्यो पुरा ।९।
हरि शर्मा (सुबेदी)
नुवाकोट-गलकोट, बागलुङ नेपाल
हाल: मिसिगन अमेरिका ।
