साँढेको जुधाई बाच्छाको मिचाई अति नै भयो है।
दुईटा साँढे यसरी जुध्दा को जित्ने होला खै।१।
एउटा साँढे उफ्रन थाल्यो भुँईमा कुप्रेर।
अर्कोले त्यहीँ देखायो जात्रा बुरुक्क उफ्रेर ।२।
चीनको साँढे परेछ रातो खतरा संकेत।
अमृकी साँढे लोथरो पर्यो चीनको चंखे छ।३।
लडेका यिनी अचम्मै सित हुँकार गरेर।
सा-साना बाच्छा कुनामा लुके डरले मरेर ।४।
फोहोरी खेल कसरी हेर्नु दिक्दार भएर।
भोलिको चिन्ता बेसरी बढ्यो यो चाल देखेर ।५।
बटुली सबै भेटेको जति खाएर अघाका।
अर्काको लागि प्रबाह छैन लाज नै नभाका ।६।
लौन नि छिटो लडाइँ बन्द गरेर बस न।
बिलम्ब भयो भ्याक्सिन खोज्न अगाडि बढ न।७।
हरि शर्मा (सुबेदी)
नुवाकोट-गलकोट, बागलुङ नेपाल
हाल: मिसिगन अमेरिका ।
