बिश्वमा आज अनौठो भा छ गोरु नि ब्याएको ।
जन्मेको बाच्छी बहर हो वा खुल्दुली लागेको । १ ।
अम्रिका भन्छ चाइना तिर होला यो ब्याएको ।
चाइना भन्छ पहिले साँढे अम्रिका आएको । २ ।
कसरी बुझ्नु यी पार्सी कुरा चकित भाका छौं।
अति नै भयो घरमा बस्दा थकित भाका छौँ। ३ ।
आजै र राति सपनी देखेँ भ्याक्सिन लगाको ।
कोरोना भन्ने बिषाणु कतै जगमा नभाको । ४ ।
मिलेर हामी बगैँचा पुगी खुशीले रमाको ।
दौलत धन कमी नै छैन प्रशस्त कमाको । ५ ।
नियाली हेर्दा आकाश खुला बादल नभाको ।
कोरोना नाथे भागेछ कता अस्तित्व नभाको । ६ ।
अम्रिका चीन मिलेर बसी निष्कर्ष खोजेको ।
कसरी बढौँ अगाडि भनी दुबैले सोधेको । ७ ।
झुलुक्क ब्युँझे जस्ताको तस्तै गोरु नै ब्याएको ।
अम्रिका चीन पुरानै दिन फरकै नभाको । ८ ।
हरि शर्मा (सुबेदी)
गलकोट- बागलुङ, नेपाल
हाल: मिसिगन अमेरिका ।
