कस्ले र किन पठायो कोरोना यो श्रृष्टिमा ।
के लाग्छ? कारण के हो तपाईको दृष्टिमा ।
यदि मेरो बिचार मान्नु हुन्छ भने सुन्नुहोस्
पाप अतिवृष्टि भयो धर्मको अनावृष्टिमा ।
गरिबीको बिडम्बना मुटु भित्रै लुक्ने रहेछ ।
दैत्य अघि ईश्वरको शिर पनि झुक्ने रहेछ ।
स्तब्ध भईयो राक्षसी ताण्डवले परदेशमा
हाम्रै नेपाली पिटिंदा साह्रै मुटु दुख्ने रहेछ ।
सम्बन्ध दाग बिनाको सफा चित्र हुनुपर्छ ।
सुख दुःखमा साथ दिने परम मित्र हुनुपर्छ ।
भेटिने छुटिने चलिरहन्छ यहाँ जहिले पनि
असल साथी भनेको त दिल भित्र हुनुपर्छ ।
-राम भण्डारी
सिन्धुपाल्चोक
हालः काठमाडाैं ।
