Saturday 14th November 2026

कोरोना पुराण – नेपाली लोक छन्द(झ्याउरे) -हरि शर्मा(सुबेदी)


कोरोना पुराण
नेपाली लोक छन्द-झ्याउरे

उहिले कतै लुकेको होला पापिष्ठ कोरोना ।
बुझ्दैन मन नभने आज पुराण कोरोना । १ ।

कोरोना घरै कोरोना बनै कोरोना कोरोना ।
नभाको ठाउँ भेटिन्न कतै पातकी कोरोना । २ ।

रेडियो खोल्छु कोरोना बज्छ टीभीमा कोरोना ।
साथीले फेरी सुस्तरी बोल्यो धन्य हो कोरोना । ३ ।

कोरोना खाँदा कोरोना सुत्दा उठ्दा नि कोरोना ।
काखमा बस्छ बालक दुधे पुकार कोरोना । ४ ।

पँधेर्नी बोक्छे गाग्रोमा पानी मुखमा कोरोना ।
गोठालो बोल्यो शहर रोज्छ भलाद्मी कोरोना । ५ ।

ठूला र ठालु छानेर बस्छ घमन्डी कोरोना ।
उन्नत देशाँ जहाज चढ्छ बिनाशी कोरोना । ६ ।

लुकेर भेट्ने मायालु पनि तर्सायो कोरोना ।
नडसे सम्म सन्तुष्ट हुन्न पापिष्ठ कोरोना । ७ ।

होला कि कहीँ स्वर्गमा पनि यो पाजी कोरोना ।
नर्कमा भने अबस्य होला नपुंसक कोरोना । ८ ।

हरि शर्मा (सुवेदी)
गलकोट- नुवाकोट, बाग्लुङ, नेपाल
हाल: मिसिगन अमेरिका।


सम्बन्धित शीर्षकहरु

हाम्रो सौर्यमण्डल स्थिर छैन। यो आकाशगङ्गा (मिल्की वे) को केन्द्र वरिपरि प्रतिघण्टा ८ लाख किलोमिटरभन्दा बढीको अविश्वसनीय गतिमा यात्रा गरिरहेको…

कुवेतमा रहेका नेपाली समुदायबीच खेलकुद, भाइचारा र सामाजिक एकतालाई प्रवर्द्धन गर्ने उद्देश्यसहित पूर्वेली टाइगर फुटबल क्लब, नेपाल–कुवेत को आयोजनामा “प्रथम…

७५३ वटै पालिकाबाट जग्गा प्रशासन सेवा : नागरिकलाई सहजता, तर सम्पत्तिको कानुनी सुरक्षामा प्रश्न काठमाडौँ । सरकारले आगामी एक महिनाभित्र…

प्रतिकृयाहरू
...