गजल
अचम्मैको प्रकृति यो कुनै भर रहेनछ ।
साँझ ठिकै बिहान हेर्दा पुरै शहर रहेनछ ।।
एकैरातमा तहस-नहस निष्ठुरी दैव पनि
कहाँ घर,कुन हो बारी कुनै ठहर रहेनछ ।।
मुटु काँप्यो जिवितहरूको बृत्तान्त सुन्दा
क्षणभर बाँच्ने आशा कुनै प्रहर रहेनछ ।।
भयावह दृश्यहरु कहिल्यै नदेखेको
उर्लिएर भेल बाढी खाली बगर रहेनछ ।।
सम्बन्ध नै बिच्छेद एकदेखि अर्को गाउँ
रातै भरी बेहोस जस्तै कहिं खबर रहेनछ ।।
-राम भण्डारी
सिन्धुपाल्चोक
हालः काठमाडाैं ।
