गजल
दुःख पीडा हर्न कोहि आईदिए हुन्थ्यो ।
गए वर्ष जस्तै शान्ति छाईदिए हुन्थ्यो ।।
आएर हे भगवान कोहि सच्चा देशभक्त
निदाएका कुम्भकर्ण जगाईदिए हुन्थ्यो ।।
स्वार्थ भन्ने शब्दलाई मनबाटै निकालेर
देशकै मुहार फेर्न कसम खाईदिए हुन्थ्यो ।।
नढाँट है साँच्चै देशको माया लाग्ने भए
देशको माटो टिपी माथ लाईदिए हुन्थ्यो ।।
तिनै करोड नेपालीले एकै लय मिलाई
विश्व शान्ति गित सबले गाईदिए हुन्थ्यो ।।