गजल
आज साउने सक्रान्ति लुतो फाल्ने दिन ।
कहिले जुर्छ लुतो झैं कोरोना फाल्ने दिन ।।
हे ईश्वर! छिट्टै जुराइदेउ मानव जगतलाई
संसारै कोरोनामुक्त भइ दिप बाल्ने दिन ।।
द्रुत गतिमा अघि बढाउँ हर प्रहर निरन्तर
डुबान पहिरोले पारेका घाउहरू टाल्ने दिन ।।
धेरै पौरखी हातहरु छट्पिएर पर्खिरहेछन्
आ-आफ्ना कार्यथलोमा कर्म थाल्ने दिन ।।
सबै सजगता अपनाउन जरुरी छ अब यहाँ
आउनै नदिन मनका बिस्वासहरु ढाल्ने दिन ।।
-राम भण्डारी
सिन्धुपाल्चोक
हाल – काठमाडाैं
