अलमल गोत्र
***********
म जन्मेको बाग्लुङ जिल्ला गल्कोट हो घर ।
हरि शर्मा नाम पर्यो, सुबेदी हो थर । १ ।
अमेरिकाको मिसिगन डीट्रोइट शहर ।
अहिलेसम्म चलेकै छ कोरोनाको कहर । २ ।
सरकारको उर्दी आउँछ मुख छोप्न भनी ।
आँखा मात्र देख्दा मान्छे चिन्नै गाह्रो भो नि । ३ ।
पहिले पहिले साथी भेट्दा हात मिलाउने ।
आज भोली मान्छे देखे मुन्टो फर्काउने । ४ ।
भोज र भतेर हुनै छाडे कोरोनाको डर ।
अरुको त क्या हो कुन्नि लाग्नै छाड्यो भर । ५ ।
राम राम शुरु हुन्छ काममा पुगे पछि ।
सातो पुत्लो उडी जाने हाच्छिउँ देखे अघि । ६ ।
मन मिल्ने साथी पनि यमराज झैँ लागे ।
एक जना अस्ति भर्खर बाटै बाट भागे । ७ ।
टीभी खोल्दा यमराज बोले जस्तो भयो ।
फोनमा खबर आउँदा ठूलो सातो गयो । ८ ।
आपतकालिन खबरहरु बेला बेला आउँछ्न् ।
होस हवास उड्छ सबको रातो मुख लाउँछन् । ९ ।
आफन्तलाई भेट्ने रहर पुग्दैन कि भनी ।
कोही कोही घुँक्क-घुँक्क रोई हाल्ने पनि । १० ।
धुरीबाट कराउँछ पाप भन्थे पहिले ।
सबै जना पापी भनी नभनौँ कि अहिले । ११ ।
ठाउँ ठहर पत्तो छैन अलमल गोत्र ।
नाम कस्तो कोरोना रे पार्यो अलपत्र । १२ ।
हरि शर्मा (सुबेदी)
गलकोट- बागलुङ, नेपाल
हाल: मिसिगन अमेरिका ।
