केहि चोटिला मुक्तकहरू
(१)
ठगीको धन मुरी भन्दा दुःखको मानु बेस ।
दुःखी मनलाई ठग्नु भन्दा मागेर खानु बेस ।
कहिले पो आउँछ होला बुद्धि तिमीहरुको
समाजमा ईज्जत ठूलो बरु फूर्ति सानु बेस ।
(२)
सफा स्वच्छ तिम्रो मुटुभरी घृणा जाग्छ किन ।
निस्कलंक चाँदमापनि कतैकतै दाग छ किन ।
सधैं जसो रुमल्लिन्छ मनमा अनुत्तरित प्रश्न
पूर्णिमाको रात तिम्लाई अध्यारो लाग्छ किन ।
(३)
मुड्की सहेर बसेकै थियौं बज्य्रो लाठी किन ?
अध्यारोमा निर्दयी बनि ठोक्यौ नि राती किन ?
निर्दोष जनले कस्तो गल्ती गरे र ? सिन्धुमा
त्यस्तो बिनाश रच्दा तिम्रो चर्केन छाति किन ?
(४)
सधैं जसो साँझमा पीडा मुक्त हुन पिएँ ।
तिम्रो अधरलाई चिसो बतासले झैं छुन पिएँ ।
जब भन्यौ नपिउनु मैंले छोडे कसम खाएर
छाडेकै उपलक्ष्यमा साँझ १ प्याला पुनः पिएँ ।
-राम भण्डारी
ठोकर्पा – १, सुनकोशी, सिन्धुपाल्चोक
हालः पेप्सीकोला, काठमाण्डाैं ।
