आजको जिन्दगानी
माया हुन्छ मीठो बोली सधै कुरा हुन्छ ।
उनको र मेरो बराबर खुशी पुरा हुन्छ ।।
घरी घरी हुन्छ छट्पटी घरी घरी प्यास ।
अझै माया गरे हुन्थ्यो भन्ने लाग्छ आश ।।
सधैंजसो व्यस्त उनी घरको कामले गर्दा
हेराहेर हाम्रो हुने गर्छ बेला मौका पर्दा ।।
उनी सानू दिलको रानी मुटु भित्र भित्र
नाचि रहन्छ नानी भित्र उनकै मानचित्र ।।
धेरै मिठो सपना छ धेरै मीठो बोली
जिन्दगानी बितेको छ रम्दै आजभोली ।।
-छबि राम सुनार “निर्दोष”
नवलपुर, नेपाल
हाल – कुवेत
