Sunday 22nd November 2026

समस्यामा परेका श्रमिकहरुको”घर जान पाउँ”अनुरोध मन्त्रीहरुको हातमा


हरि कृष्ण न्यौपाने-कोरोना(कोभिड-नाइन्टिन) भाइरसको संक्रमणको महामारीका कारण विदेशी भूमिमा अलपत्र र समस्यामा परेका नेपाली श्रमिकहरुलाई प्राथमिकताको आधारमा सके सम्म छिटो नेपाल फर्काउन सम्बन्धित निकायलाई ज्ञापन पत्र मार्फत “घर जान पाउँ”अनुरोध पत्र बुझाईएको छ।
कम पारिश्रमिक भएका मध्यपूर्ब र मलेशियामा कार्यरत श्रमिकहरुको समूह श्रमिक सन्जालले सिआइएमआर, इक्यूडेम रिसर्च, ल्याप्सोज र समता फाउन्डेसनको हातेमालोमा बिदेशमा अप्ठेरोमा परेका श्रमिकहरुलाई घर फर्काउन मेई ०१,२०२० श्रमिक दिबसको दिनबाट शुरु गरेको “घर जान पाउँ” अभियानको दौरानमा प्राप्त समस्याहरुलाई समेट्दै उक्त ज्ञापनपत्र तयार गरिएको हो।
नेपाल सरकारका माननीय परराष्ट्र मन्त्री, श्रम मन्त्री, नोभेल कोरोना संक्रमण रोकथाम तथा नियन्त्रण उच्चस्तरीय समन्वय समिति, राष्ट्रिय मानव अधिकार आयोग लगायतलाई ज्ञापनपत्र पठाउँदै सञ्जालले यस्तो आग्रह गरेको हो ।
सञ्जालले बुझाएको ज्ञापनपत्रमा अन्य मुलुकका श्रमिकहरुलाई तिनका सरकारले लकडाउनको अवस्थामा नै स्वदेश फर्किने व्यवस्था गरेपनि नेपाल सरकारले भने विदेशबाट श्रमिकहरुलाई फर्काउन सहज छैन भन्दै बारम्वार जहाँ हो त्यहिं रहिरहनू भनिरहनुले आफूहरुलाई हतास बनाएको उल्लेख छ । सञ्जालको ज्ञापनपत्रमा कोरोना सिर्जित संकट पश्चात् कयौं नेपाली श्रमिकहरुलाई गन्तव्य मुलुकका रोजगारदाताले विना पूर्व जानकारी कामबाट निकाल्ने, करार सम्झौता रद्ध गर्ने, बेतलवी विदामा बस्न दवाव दिने, पारिश्रमिक नदिने वा दिएमा पनि पूरै नदिने गरेको पनि स्मरण गराएको छ ।
कतै हाम्रो सरकार हामी श्रमिकहरु प्रति अनुदार त भएको होइन भनेर प्रश्न गर्दै सञ्जालले सरकारलाई आफूहरुको अनुरोधको सुनुवाईका लागि गत मे १ तारिख देखि “घर जान पाऊँ” भन्ने अभियान सुरु गरेको उल्लेख गरेको छ ।
विदेशमा कार्यरत सवै नेपालीलाई स्वदेश फिर्ता ल्याउनु पर्ने आफूहरुको माग नरहेको भन्दै सञ्जालले हाल विदेशमा अलपत्र अवस्थामा रहेकाहरुलाई उद्धार र घरफिर्तीको व्यवस्था मिलाउन आग्रह गरेको छ ।
यसरी ज्ञापन पत्र बुझाउनु पहिले मेई १० तारिक श्रमिक सन्जालले सिआइएमआर,इक्यूडेम रिसर्च,ल्याप्सोज र समता फाउन्डेसनका प्रतिनिधिहरु तथा श्रम-रोजगार पत्रकार समुह नेपालका अध्यक्ष सुनिल न्यौपाने सहित अन्य पत्रकारहरु र एनआरएन एनसिसि कुवेतका अध्यक्ष सुजन केसि संग सामुहिक कन्फरेन्स बैंककको आयोजना गरेको थियो।जसमा कुवेतको अहिलेको अबस्था र बिशेष गरि आममाफी मार्फत कुवेत सरकारको आश्रय स्थलमा स्वदेश फर्किने दिन कुरेर बसेका रहेका करिब ३००० नेपालीहरुलाई कसरि फर्काउन सरकारलाई खबरदारीका साथ सहयोग गर्ने बिषयमा छलफल भएको थियो ।
ज्ञापनपत्र जस्ताको त्यस्तै

 


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...