तोयानाथ उपेक्षित, गैर कानूनी रुपमा लुकिछिपी रहेर कुवेतमा काम गर्ने नेपालीहरुले एम्नेष्टिको फाईदा उठाउदै आजै मात्र आवेदन दिएका ६५० मध्ये ४१८ जनाले नेपाली दुतावासबाट ट्राभल डकुमेन्ट लिएका छन ।
भोलीबाट नेपाली लगायत केही अन्य देशका नागरिकहरुका लागि अप्रिल ३० सम्म घर जान दिने भनी कुवेत सरकारले आवेदन माग गरे बमोजिम नेपालीहरुले आज ट्राभल डकुमेन्टका लागि दुतावास पुगेका हुन । नेपाली दुतावास कुवेतले आजैबाट ट्राभल डकुमेन्ट जारी गर्ने हिजो मात्र सूचना जारी गरेको थियो । एक दिन पहिले जारी गरेको सूचनाका आधारमा आज त्यति ठुलो संख्यामा डकडाउनका बाबजुद गैर कानूनी रुपमा रहेका नेपालीहरु दुतावास पुगेका हुन ।
फरमानिया, खैतान, सुयोख, रिगाई तथा कुवेत सीटीमा रहनेहरुका लागि ट्राभल डकुमेन्ट लिन दुतावासले आज आउन भनेको थियो । यसरी नै भोली अर्थात २६ अप्रिलका दिन ट्राभल डकुमेन्ट लिन फाहाहिल मंगाफ र फिन्तास क्षेत्रमा बसोबास भएका इलिगल नेपाली कामदार लाई दुतावास आउन भनिएको छ । २७ अप्रिलका दिन ओफ्रा, अबदली, जहारा र साल्मिया तथा हवालीमा रहनेहरुले जान सक्नेछन । अप्रिल २८ देखि ३० सम्म अन्य क्षेत्रमा बसोबास गर्नेहरुका लागि दुतावासले ट्राभल डकुमेन्टका लागि आउन भनेको छ ।
समय नसिद्धिएका पासर्पोट रहेका तर गैर कानूनी रुपमा रहेर कुवेत बसोबास गर्नेहरुले भने ट्राभल डकुमेन्टका लागि राजदुताव आउन पर्दैन उनीहरुले कुवेत सरकारले तोकेको फरमानि स्थित सेन्टरहरुमा भोलीबाट सिधै जान सक्नेछन । राजदुतावास मा कुवेत सरकारले जारी गरेको सिभिल आईडी, पासर्पोट वा नेपाली नागरिकताको फोटोकपी हुनेहरुका लागि मात्र ट्राभल डकुमेन्ट लिन दुतावास जान पर्ने हुन्छ । कुनै पनि कानूनी कागजात नभएकाहरुको हकमा भने कुवेत कुवेत सरकारको निकाय जवाजत मा गएर पहिले फिन्गर प्रिन्ट गरी त्यसको रिर्पोट सहित ट्राभल डकुमेन्टका लागि दुतावास आउने र दुतावासबाट ट्राभल डकुमेन्ट प्राप्त गरेपछि कुवेत सरकारले तोकेको फरमानिया स्थित घर फिर्ति सेन्टरमा जान पर्दछ ।
जीलिप अल सुयोखका लागि त्यतैतिर व्यवस्था गरिएको छ भने माबुल्लाका लागि केही नेपालीहरुलाई आवेदन संकलनको जिम्मेवारी दिएको छ । यी दुई क्षेत्र कोभिड ले बढि प्रभावित क्षेत्र का रुपमा रहेको र तिनलाई आईसोलेट गरिएको हुदा दुतावासमा जान सक्ने अवस्था नभएकोले बैकल्पिक व्यवस्थापन गरिएको हो ।
कोभिडको संक्रमण पछि भएको लक डाउन र कफ्युका बीच विचल्लीमा परेका नेपालीहरुलाई राहत बाढन दिन रात खटिरहेको एनआरएन को जनशक्ति अहिले गैर कानूनी रुपमा रहेका नेपालीहरुलाई घर फिर्ता का लागि जुटेको छ । आम श्रमिकहरु र दुतावासबीच समन्वय गर्दै आज पनि दुतावासमा एनआरएनए कुवेत राजदुतावासमा सक्रियता पूर्वक लागेको पाईएको छ । भोलीबाट एनसीसी ले केही सदस्यहरुलाई फिर्ति सेन्टरमा खटाउने र केही लाई राजदुतावासमा खटाउने कुरा एनसीसी अध्यक्ष सुजन केसीले बताउनु भयो ।
महामारीको जोखिम मोलेर भिड व्यवस्थापन र कानूनी कागजात का लागि सहजीकरण गरिरहेको एनआरएनको भुमिका लाई सर्वत्र प्रशंसा गरिदैछ ।
यो संकटको घडीमा कुवेतमा रहेका दर्जनौ संघसंस्थाको भूमिका भने नदेखिएको गुनासो बढन थालेको छ । जसले जे गर्न सक्छ उसले एनआरएन कुवेतसँग सहकार्य गरे त्यसले घर फिर्तिका लागि आतुर हजारौ नेपालीहरुलाई राहत पुग्ने भएकाले सवैले चासो दिन जरुरी देखिन्छ ।
