हरि कृष्ण न्यौपाने- कुवेतमा रोजगारिका लागि आएका लमजुङका ४१ वर्षिय आइत बहादुर गुरुङको मृत्यु भएको छ। उनको अप्रिल ८ तारिक बुधबार २०२० का दिन बेलुकी करिब ५ बजे मृत्यु भएको हो।
नेपाली राजदूताबास कुवेतका द्वितीय सचिब श्रीकृष्ण सिलवालले तितोपाटी डट कम संग भने “मेश अल्गानियम कम्पनीको किचनमा कार्यरत राहदानी नं-०७२२४७२४ का आइत बहादुर गुरुङको आत्म हत्याबाट मृत्यु भएको प्रारम्भिक जानकारी दूताबासमा आए पनि पूर्ण जानकारी आएको छैन । मृतको शवलाई कानुनी प्रकृया र जाँचबुझका लागि सम्बन्धित निकायले नियन्त्रणमा लिएको छ।”
एकै कम्पनीमा काम गर्ने मृतका साथिले तितोपाटी डट कम संग भने “करिब ५ बर्ष देखि कुवेतमा काम गरिरहेका आइत बहादुर घर छुट्टि जान हिसाब किताब लिएर तयारीमा थिए । कोरोना संक्रमणका कारण उडान बन्द भए संगै घर जान नपाएका गुरुङ सबै साथिहरु जस्तै कम्पनि कै आवासमा बस्ने गर्दथे । हिजो एक्कासी कम्पनि कै बिल्डिङ्गमा करिब बेलुकिको ५ बजे झुन्डिएर आत्म हत्या गरेको खबरले हामिहरु दुखी छौं।” मृतकको घरमा श्रीमति र २ बच्चाहरु रहेका छन ।
