Sunday 22nd November 2026

अपहरणमा परेका गाउँपालिका अध्यक्ष शाहीको कालिकोटमा उद्दार


विप्लव समूहद्वारा अपहरणमा परेका दैलेख ठाँटीकाध गाउँपालिकाका अध्यक्ष धीरबहादुर शाहीलाई प्रहरीले उद्दार गरेको छ। शनिबार राति अपहरणमा परेका अध्यक्ष शाहीलाई आइतबार बेलुका साढे ६ बजे उद्दार गरिएको जिल्ला प्रहरी कार्यालय कालिकोटका प्रमुख प्रहरी नायव उपरीक्षक श्याम ओलीयाले जानकारी दिए।अध्यक्ष शाहीलाई कालिकोटको शुभकालिका गाउँपालिका–१ छाती भन्ने ठाउँको जंगलबाट उद्दार गरिएको डिएसपी ओलीयाले जानकारी दिए। ‘जंगलको खोचमा फेला पारेका हौं, उनीहरुले लुकाउन भनेर राखिएको ठाउँ होला,’ उनले भने, ‘तीन तिरबाट खोजी केन्द्रित गरी अध्यक्ष ज्युलाई भेटाएका हौं।’
अध्यक्ष शाही अहिले प्रहरीसँग छन्। ‘अध्यक्ष अहिले हाम्रो नियन्त्रणमा हुनुहुन्छ’ डिएसपी ओलीयाले भने, ‘हामी अपहरण गर्ने व्यक्तिको खोजीमा लागेका छौं।’शाहीलाई अपहरण गरेको समूहले उनकी श्रीमती इला मल्ल र भाइ हस्तबहादुर शाहीलाई पनि अपहरण गरेको थियो। नेपाल कम्युनिष्ट पार्टीका दैलेख जिल्ला कमिटी सदस्य रहेका शाही र नेपाल राष्ट्रिय शिक्षक संगठनकी केन्द्रीय उपाध्यक्ष रहेकी उनकी श्रीमती इलालाई शनिबार राति विप्लव समूहले अपहरण गरेको थियो।भाई हस्तलाई भने शनिबार राति १ बजेतिर छोडिएको थियो भने पनि श्रीमती इलालाई आइतबार छोडिएको थियो। इला आइतबार दिउँसो आफन्तको सम्पर्कमा आएको जिल्ला प्रहरी कार्यालय दैलेखले जनाएको छ।
शनिबार राती ठाटीकाँध–२ को श्रीपाटामा रहेको आफ्नै घरबाट अपहरण गरेर उनीहरुलाई बिजारेको जंगल हुँदै कालीकोटको भर्तातिर लगिएको थियो। उनीहरुलाई १५ जनाको अपरिचित समुहले सोधपुछका लागि भन्दै लगेको थियो।
-सेतोपाटीबाट


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...