Saturday 21st November 2026

वर्ल्ड नेपाली म्युजिक अवार्ड २०१९ क्यानाडा संयोजकमा गायिका केसी चयन


तितोपाटी- अमेरिकाको न्युयोर्कमा पहिलो पटक हुन गइरहेको “वर्ल्ड नेपाली म्युजिक अवार्ड २०१९″को क्यानाडाको लागि एनआरएन क्यानाड़ाको वर्तमान आइसीसी सदस्य बहुचर्चित गायिका देविका केसी चयन भएकी छन् ।

करिब ५ सय भन्दा बढी गीतमा आवाज दिइसकेकी केसीलाई सुन्दरी लोक गायिका भनेर पनि उपमा दिने गरिन्छ । राष्ट्रिय लोक तथा दोहोरी गीत प्रतिष्ठान नेपालको पूर्वकेन्द्रीय सदस्य तथा आजीवन सदस्य देविकाले अहिले सम्म लोक दोहोरी अवार्ड एनटीभी २००४, लोकदोहोरी अवार्ड २००२, टूबर्ग दोहोरी प्रतियोगिता २००४, रेडियो नेपाल अवार्ड २००४, बहुप्रतिभाशाली अवार्ड २०१०, नेपाल लोकदोहोरी सांस्कृतिक व्यवसायी अवार्ड २००५, राष्ट्रिय दोहोरी गीत प्रतिष्ठान अवार्ड २००६, आरटीडीसी सिक्किम अवार्ड २००७, दोहा लोकदोहोरी अवार्ड २०१४, ओएस अवार्ड २०१७, गरी करिब एक दर्जन राष्ट्रिय पुरस्कार तथा अवार्डहरू जितिसकेकी छन् । उनले वर्ल्ड नेपाली म्युजिक अवार्ड २०१९ लाई सफल पार्न क्यानाडाबाट गायिका केसीले महत्वपूर्ण जिम्मेवारी निर्वाह गर्ने बताइएको छ ।

वर्ल्ड कनेक्सन युएस इन्कको आयोजनामा अमेरिकाको न्युयोर्क शहरमा हुने “वर्ल्ड नेपाली म्युजिक अवार्ड २०१९ ″लाई भब्य रुपमा सम्पन्न गर्न यसअघि अस्ट्रेलिया, इजरायल , दक्षिण कोरिया , बेल्जियम बेलायत र अमेरिकाको संयोजक चयन भैसकेको छ । अरु देशहरुको पनि संयोजक चुन्ने काम तीव्र रूपमा भैरहेको अवार्ड संयोजक सुमन बुढा मगरले बताएका छन् ।

विशेष गरी पछिल्लो समय संसारको हरेक देशमा नेपालीहरू भएको हुनाले संसारभरीको कलाकारहरूको प्रतिष्ठाको सम्मानित अवार्ड बनाउने उद्देश्यले पनी संसारभरीबाट सम्मानित र प्रतिष्ठित ब्यक्तिहरू संयोजकमा चयन गर्न लागेको अवार्ड संयोजक बुढा मगरले बताए ।नेपाली गीतसंगीतलाई विदेशमा रहेको नेपाली युवाहरूले नबिर्सियोस् र अन्तर्राष्ट्रिय स्तरमा नेपाली गीत संगीतको प्रचार प्रसार तथा विश्वभरीको कलाकारहरूको भावना एकै स्थानमा जमघट गराउन पनी यो अवार्ड कोशेढुङ्गा सावित हुने अवार्ड संयोजक बुढा मगरले जानकारी गराए ।

वर्ल्ड नेपाली म्युजिक अवार्डमा सहभागिता जनाउनको लागि आवेदन खुल्ला भइसकेको छ । जुन २१ देखि अगस्ट ३० सम्म विश्वभरबाट आवेदन दिन सकिने पनि अवार्ड संयोजक बुढा मगरले जानकारी दिए । आउँदो २३ नोभेम्बरमा अवार्डको फाइनल न्युयोर्कमा हुनेछ ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...