तितोपाटी – कतारको केन्द्रिय कारागारमा लामो समय देखि जेल जीवन बिताउदै आएका ९ नेपाली बन्दीलाई त्यहाँको सरकारले आममाफी दिएको छ। गत डिसेम्बर १८ तारिकका दिन कतारको राष्ट्रिय दिवसको अवसरमा ती बन्दीहरुलाइ चालचलनको आधारमा अपराधको प्रकृति हेरि आममाफी दिइएको दूतावास स्रोतले जानकारी दिएको छ।
कतार सरकारले हरेक वर्ष राष्ट्रिय दिवसको अवसरमा कदै भुक्तान गरि रहेका बन्दी मध्ये असल चालचलनमा रहने बन्दीहरुलाइ आममाफी मार्फत रिहाई गर्दै आएको छ भने यसपटक कतार स्थित नेपाली दूतावासको पहलमा ९ जना बन्दी रिहा हुन सफल भएको दूतावासले जनाएको छ ।
आममाफी मार्फत को को रिहा भएका हुन भन्ने बारे दूतावासले खुलाएको छैन । “बन्दीहरुले आफ्नो नाम ठेगाना सार्बजनिक नगर्न अनुरोध गरेपछि हामीले गोप्य राखेका हौ ” दूतावास स्रोतको भनाइ छ।
