तितोपाटी – बुटवल स्थायी घर भइ हाल कुवेतमा कार्यरत पप गायक राजु थापाले “दिल चोरेर भाग्न पाईदैन” बोलको गीत म्युजिक भिडियो सहित बजारमा ल्याएका छन ।
उक्त गीतमा बिगत केही वर्ष अगाडि देखी सांगितिक क्षेत्रमा निकै मिहिनेत गरि आफुलाई पप गायकको रुपमा परिचित बनाउदै आएका गायक राजु थापाको स्वर रहेको छ भने गायक तथा सर्जक प्रेम कटवालले शब्द संकलन गरेका छन ।
उक्त गीतमा संगीत भिम बिसीको रहेको छ भने सियुन श्रेष्ठको निर्देशनमा मोडेल शोनिका रोकाय र जेम्स बिसीले अभिनय गरेका छन । म्युजिक भिडियोको छायांकन ज्ञानेन्द्र शर्माले गरेका छन भने प्रबिन भट्टको सम्पादनमा हाईलाईट्स नेपाल म्युजिक प्रालिको अफिसियल युट्युब बाट सार्वजनिक गरिएको छ ।
