Wednesday 18th November 2026

कुवेतमा दुई सँस्थाको सयुक्त आयोजनामा दशैं धमका हुँदै


बसन्त थापा- लालीगुराँस संस्कृति परिवार नेपाल कुवेत र अन्तर्राष्ट्रिय कलाकार मन्च कुवेतको सयुक्त प्रस्तुतिमा दशै शुभकामना आदानप्रदान तथा दशै धमका २०७५ संस्कृतिक कार्यक्रम हुने भएको छ।

आगामी १९ अक्टोबर शुक्रबारका दिन कुवेतको खैतान स्थित राजधानी होटलमा दशैको अवसर पारेर  दुई संस्था द्वारा “दशै बिशेष सांस्कृतिक कार्यक्रम” आयोजना गरिने भएको हाे ।

कुवेतस्थित कार्यरत नेपालीहरूको जमघट भई स्थानीय
कलाकारहरुको प्रस्तुतिमा सांगीतिक कार्यक्रमका साथ टिका जमरा लगाएर नेपाली परिकारका स्वादसंगै उक्त कार्यक्रम मनाउन लागेका हुन् ।

वैदेशिक रोजगारीको सिलसिलामा प्रवासको भूमिमा कार्यरत रहेता पनि नेपालीहरुको ठूलो चाड वडा दशैलाई नेपालीहरुले उक्त कार्यक्रममा परम्परागत ढंगले बुर्जुगको हातबाट टिका लगाई आसिरबाद लिने चलनचल्तीलाई उजागर गरिने भएको छ ।

दैनिक आ– आफ्नो कामको सिलसिलामा व्यस्तता रहेता पनि आगामी १९ अक्टोबरका दिन “दशै बिशेष कार्यक्रम” को खबरले दाजुभाई तथा दिदीबहिनीहरुको उत्साह बढ्दो देखिन्छ ।

“हाम्रो परम्परा हाम्रो संस्कृति” र  “मौलिक कला र संस्कृतिक साथमा कलाकारको जगेर्ना गरौ” भन्ने मुल नाराका बोकेका उक्त दुबै संस्था तथा स्थापना कालदेखिनै लालिगुरासले अन्य संघ संस्थाहरुसंग हातेमालो गर्दै उद्धार कार्यमा सहभागिता जनाउंदै नेपालीहरुको चाड पर्वलाई विभिन्न संस्कृतिक कार्यक्रम गरि  मनाउदै आएको छ भने यस्ता खालका कार्यक्रमको आयोजनाले मनोरञ्जन मात्र नभएर एकआपसमा भाईचाराको विकास र नेपाली संस्कृतिको पनि उत्थान हुने, राजु थापाको  संयोजकत्वमा हुन गैरहेको दशै कार्यक्रम कुवेतमा एउटा ऐतिहासिक कार्यक्रम हुने लालीगुराँस संस्कृतिक मन्चका अध्यक्ष माधव पौडेलले तीतोपाटीलाई बताएका छन् ।

उक्त कार्यक्रमलाई भव्य र सव्य रुपमा सफल पार्नका निम्ती सबैजना लागि परेको र यसै समाचारको आधारमा सम्पूर्ण कुवेत बासी नेपालीहरुलाई उपस्थित हुनको लागि अन्तर्राष्ट्रिय कलाकार मन्चका अध्यक्ष सोम रसाइलीले हार्दिक निमन्त्रणा गरेका छन ।

स्थान- राजधानी होटेल खेतान
समय- बिहान ११ बजे देखि
दिन – २०१८/ १९ अक्टोबर शुक्रबार


सम्बन्धित शीर्षकहरु

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

कुवेतमा आयोजनामा हुन गइरहेको प्रथम मुजैनी–पूर्वेली टाइगर गोल्ड कप २०२६ फुटबल पर्व–मेला को सम्पूर्ण तयारी अन्तिम चरणमा पुगेको आयोजकले जनाएको…

भारतको सर्वोच्च अदालतमा बुधबारदेखि वैवाहिक बलात्कारसम्बन्धी १० वटा रिटमाथि सुनुवाइ भइरहेको छ। विवाहभित्र हुने जबर्जस्ती यौनसम्पर्कलाई अपराध मान्ने कि नमान्ने…

प्रतिकृयाहरू
...