हरी कृष्ण न्यौपाने – कुवेतको अडनोक(ADNOK)कम्पनीमा आएर त्यस कम्पनीबाट भागेर केही समय देखी अबैधानिक कामदारको रुपमा लुकेर काम गर्दै आएका देबागन्ज-६, सुनसरीका सराज अंन्सारीको कार्यस्थलमा दुर्घटनाको कारण मृत्यु भएको छ।
गत अगष्ट ४ तारिक,२०१८का दिन अंसारी निर्माण क्षेत्रमा कामगर्दाको समयमा लडे पछी उनलाई तत्काल कुवेतको आदन अस्पातलमा पुर्याइएको थियो।अत्याधिक रक्तश्राब र घाऊ-चोटको कारण अंसारीको मृत्यु भएको अस्पातलले पुष्टी गरेको छ।
नेपाली दूतावासका प्रथम सचिब भोगेन्द्र लिंङदेनले तितोपाटी डट कम संग भने” २८ बर्षिय अंसारीको कार्यस्थलमै दुर्घटनाको कारण मृत्यु भएको तथा उनी अबैधानिक रुपमा काम गर्दै आएका थिए।आबश्यक प्रकृया पुरा गरेर अंसारीको परिवार संग संपर्क गरी आज अगष्ट १४ तारिक उनको शबलाई नेपाल पठाइएको छ।”
