तितोपाटी – नेपाली राजदूतावास कुवेतले अागामी नोभेम्बर १६ तारिक २०१८ शुक्रबारका दिन कुवेतमा रहेका वैधानिक नेपालीहरू लक्षित एक दिने निःशुल्क स्वास्थ्य शिविर गर्ने भएको छ । राजदूतावासले अाज एक सूचना जारी गरि स्वास्थ्य शिविर मेट्रो मेडिकल केयर फरवानियामा गरिने जनाएको हो । दूतावासद्वारा जारी गरिएको सूचनामा जनाइए अनुसार नेपाली राजदूतावास कुवेतको अायोजना तथा मेट्रो मेडिकल ग्रुपको सहकार्यमा कुवेतको फरवानिया सहर स्थित मेट्रो मेडिकल सेन्टरमा उक्त दिन बिहान ७ बजे देखि दिउँसो १ बजे सम्म निःशुल्क स्वास्थ्य परिक्षण गरिने भएको हो ।
राजदूतावासको सूचनामा जनाइए अनुसार इच्छुक व्यक्तिहरूले निःशुल्क स्वास्थ्य परिक्षणको लागि अग्रिम रूपमा नेपाली राजदूतावासमा परिक्षण गर्ने व्यक्ति अाफैं उपस्थित भएर वा टेलिफोन सम्पर्क गरी अाफ्नो नाम दर्ता गर्न सकिने छ भने निःशुल्क स्वास्थ्य परिक्षणको लागि कुवेतको अावासिया भिसा (सिभिल अाइडी ) अनिवार्य भएको दूतावासले जनाएको छ । फोन मार्फत बिरामीको नाम दर्ता गराउनको लागि राजदूतावासको टेलिफोन नंं. हरू – २५३२१६०३/२५३२१६०४/२५३२१६०५ वा राजदूतावासको हटलाइन मोवाइल ९८८६९१२१ मा सम्पर्क गर्न सकिने पनि नेपाली राजदूतावासले सबैमा सूचित गरेको छ ।
स्वास्थ्य परिक्षणको लागि नोभेम्बेर १६ तारिक बिहान खाली पेटमा फरवानिया ब्लक – ३ स्थित मनावर स्ट्रीटमा Mr. Baker नजिकै रहेको मेट्रो मेडिकल केयरमा अाउन सकिने, लोकेसनको जानकारीको लागि मेट्रो मेडिकल केयरमा पनि सम्पर्क गर्न सकिने जनाउँदै मेट्रो मेडिकलका टेलिफोन नंं. हरू – २४७३१८८८ र २४७३१७७७ समेत दूतावासको सूचनामा उपलब्ध गराइएको छ ।
दूतावासको सूचना जस्ताको तस्तैः
