Monday 16th November 2026

कुवेतमा २० नोभेम्बर २०२६ मा फुटबलको कुम्भमेला लाग्दै


जय आले, १३ सेप्टेम्बर २०२६, कुवेत – कुवेतमा पुर्वेली टाईगर फुटबल क्लव कुवेतको आयोजनामा आगामी २० नोभेम्बर २०२६, शुक्रबार “प्रथम पुर्वेली टाईगर गोल्ड कप अन्तर–नेपाली फुटबल टुर्नामेन्ट २०२६” आयोजना हुने भएको छ।

लामो समयदेखि कुवेतमा फुटबल प्रतियोगिता आयोजना नभएको अवस्थामा क्लवले यसपटक गोल्ड कप आयोजना गर्ने निर्णय गरेको हो। जसबाट खेलप्रेमी कुवेतवासी नेपालीहरूलाई छुट्टै किसिमको मनोरञ्जन दिने उद्देश्य रहेको अध्यक्ष जिबन केरुङ लिम्बुले जानकारी दिनुभयो।

फाहिल स्पोर्ट्स क्लवको सुकसवा फुटबल मैदानमा हुने उक्त अन्तर–नेपाली फुटबल प्रतियोगितामा सहभागीताको लागि तयारी हुन सम्पूर्ण कुवेतस्थित नेपाली फुटबल टिमहरूलाई क्लवले आह्वान गरेको छ। साथै, उक्त दिन अन्य कुनै कार्यक्रम आयोजना नगर्न सम्पूर्ण नेपाली संघ–संस्थाहरुलाई आयोजकले अनुरोध गरेको छ।

नयाँ गोल्ड कपको उदयसँगै कुवेतवासी खेलप्रेमी नेपाली तथा खेलाडीहरूबीच नयाँ उत्साह र उमंग छाउने देखिन्छ। प्रतियोगिताको पुरस्कार सम्बन्धी जानकारी भने केही समय पछि सार्वजनिक गरिने अध्यक्ष लिम्बुले बताए।


सम्बन्धित शीर्षकहरु

अन्तर्राष्ट्रिय समाचार | १५ नोभेम्बर २०२६ / भारतले बंगलादेशकी पूर्वप्रधानमन्त्री शेख हसिनालाई स्वदेश फर्काउन सहजीकरण गर्न सक्ने संकेत दिएको छ।…

वरिष्ठ नेपाली अभिनेत्री गौरी मल्ल र हास्य कलाकार मनोज गजुरेललाई प्रहरीले पक्राउ गरेको भन्दै सामाजिक सञ्जालमा भाइरल भएको भिडियो भ्रामक…

काठमाडौं | जलवायु कूटनीति / नेपालका परराष्ट्रमन्त्री शिशिर खनालले संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा…

प्रतिकृयाहरू
...