एकीकृत समाजवादीका अध्यक्ष माधवकुमार नेपालले सरकारी जग्गामा अनियमितता गर्नेहरूमाथि छानबिन गरिनुपर्ने बताएका छन् तर उक्त प्रकरणका मुख्य अभियुक्त उनै हुन । उनकै मन्त्रीमण्डलले निर्णय नगरेको भए घट्नाको स्वरुप अर्कै हुने थियो ।
पाल्पा भएको एक पत्रकार भेटघाटमा पूर्वप्रधानमन्त्री नेपालले ललिता निवास जग्गा प्रकरणलगायत सरकारी जग्गामा भ्रष्टाचारसँग जोडिएका कसैलाई पनि उन्मुक्ति दिन नहुने बताए पनि र उनको नाम पटक पटक आउदा समेत उनी माथि सोधपुछ र छानविन भएको छैन । सरकारको संन्तुलनका लागि मुख्य कडीका रुपमा रहेको उनको दललाई यो सरकार रहे सम्म सोधपुछ नहुने भएकाले उनले आफै छानविनको आवाजमा आवाज मिसाउदै आएका छन । गठबन्धनको तागत का कारण उनलाई आफू विरुद्ध छानविन नहुनेमा पक्कापक्की भएकै कारण त्यसरी बोल्ने हिम्मत गरिरहेको बताईन्छ ।
ललिता निवास जग्गा प्रकरणमा जोसुकै दोषी देखिए पनि कारबाही हुनुपर्ने बताउँदै उनले आफूलगायत पूर्वप्रधानमन्त्री धेरैको नाम जोडिएकाले सत्यतथ्य छानबिन गरी बाहिर ल्याउनुपर्ने बताए ।
आफू प्रधानमन्त्री हुँदा सरकारी तथा अन्य जग्गा कानुनसम्मत् छुट्टाएर अगाडि बढाउनु भन्ने निर्णय भएको उनको भनाइ थियो । सरकारी जग्गा हिनामिना प्रकरणमा जसले कसुर गरेको छ, उसले दण्ड पाउनुपर्ने उनको भनाइ छ ।
भ्रष्टाचारमा जोडिएका दोषी कोही पनि उम्कनु नहुने भन्दै नेपालले जग्गा अनियमितता र भ्रष्टाचारका विषयमा आफ्नो पार्टीले सरकारलाई सहयोग गर्ने प्रतिबद्धता व्यक्त गरे ।
