Saturday 21st November 2026

कुवेतमा खैनी पाउन गाहो – १४ टन सुर्ति समातियो


कुवेतले सुर्तिजन्य लागु पदार्थ खैनी को सेवनलाई अबैध मान्दछ र यसको विक्रि वितरण ईलिगल हो । तर पनि यहाँ लुकाई छिपाई प्रसस्तै विक्रिवितरण हुने गरेको छ । तर अब भने खैनी पाउन गाहो हुने र पाए पनि महंगो हुने संकेत देखिएको छ ।

अमघारा जग्गा डिपोमा रहेको सार्वजनिक तथा निजी भन्सार गोदाम विभागका भन्सार अधिकारीले देशमा पैठारी गर्न निषेध गरिएको झण्डै १४ टन अवैध सुर्ती नियन्त्रणमा लिएर बरामद गरेका छन् । अरब टाईम्समा सो सम्बन्धि समाचार प्रकाशन भएको छ ।

भन्सारको सामान्य प्रशासन महानिर्देशक श्री सामी मुहम्मद अल(कन्डारीको निर्देशन र निर्देशनमा, सबै आवतजावतका सामानहरूको नियन्त्रण, परीक्षण र निरीक्षण प्रक्रिया बढाउन, सार्वजनिक र निजी भन्सार गोदाम प्रशासन(आमघाराको टोलीले सहायक नियन्त्रक जियाद अल(सरबेलको नेतृत्वमा ल्यान्ड वेयरहाउसले एसियाली देशबाट आएको ट्रकलाई लाई रोकेर चेक जाँच गर्दा उक्त परिणाममा लागु औषधजन्य सुर्ति फेला पारेको हो ।

ट्रकले ४० फिट लामो कन्टेनर बोकेको थियो । जसमा भन्सार निरीक्षकहरूले यसका सामग्रीहरूमाथि शंका गरे र विस्तृत जाँच गरे, जसमा ५२१ बोरा भित्र लुकाइएको लगभग २,६१,००० व्याकेट सुर्ति फेला पर्यो, जसको कुल वजन लगभग १४ टन थियो ।

नेपालमा करिब ५० रुपैया जतिको परिणाम मा पाउने सुर्ति खान यहाँ नेपाली रुपैया ४ सय देखि ५ सय सम्म तिर्न पर्दछ । तर यसरी सुर्ति पक्राउ परेर बजारमा सुर्तिको अभाव हुने वित्तिकै भाउ बढन शुरु हुन्छ र त्यसको मुल्यको पाँच गुणा ज्यादा पुग्दछ । कोभिडको समय मा त्यति नै परिणाम को एक प्याकेट सुर्ति लाई ३ हजार र त्यो भन्दा पनि धेरै तिर्न पर्ने हुन्थ्यो । तर पनि यसका अम्मलीले नखाई छोडदैनथे । त्यस बेला टोबाको किन्न नसकेर कतिपय ले चुरोटको खिल्ली भित्रको सुर्ति लाई समेत खैनीका रुपमा प्रयोग गरेको पाईन्थ्यो ।


सम्बन्धित शीर्षकहरु

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

प्रतिकृयाहरू
...