कुवेत सिटी,अक्टोबर १७ अर्दिया औद्योगिक क्षेत्रस्थित एक कलेजको पार्किङस्थलमा कारभित्र दुई युवा एक पुरुष र अर्को युवतीको शव फेला परेको गृहमन्त्रालयले जनाएको छ ।
रिपोर्ट प्राप्त हुनासाथ फरवानिया सुरक्षाकर्मीहरु सक्रिय भएको थियो । खोज तथा अनुसन्धान विभाग, फरेन्सिक प्रमाण र फरेन्सिक डाक्टरहरु घटनास्थलमा पुगेका थिए । युवा पुरुष र महिलाको उमेर बीस वर्ष का रहेको समाचार मा उल्लेख छ ।
नायब सरकारी वकिलले दुवै शवलाई निकालेर मृत्युको कारण र कति दिन पहिले भन्ने पत्ता लगाउन फरेन्सिक मेडिसिन विभागमा पठाउन आदेश दिएका थिए । मृत्युको कारण खुल्न सकेको छैन आवश्यक अनुसन्धान गर्न प्रहरीलाई खटाइएको छ अरब टाईम्स ले लेखेको छ ।
