पाकिस्तानमा आएको बेमौसमी बाढी को हृदयविधारक दृष्यको अन्त नहुदै अफ्रिकन मुलुक नाईजेरिया मा सोही प्रकृतिको बाढीले जनजिवन तहसनहस बनाएको समाचार छ ।
अमेरिकन न्युज एजेन्सी सिएनएन का अनुसार कम्तिमा पनि त्यहाँ ५०० जनाको बाढीका कारण मृत्यु भएको छ भने १४ लाख मानिस बाढीग्रस्त क्षेत्रबाट अन्त सर्न परेको छ । त्यहाँका मानव सनसाधन मन्त्रीका अनुसार दशकौ पछि नाईजेरियाले यस्तो समस्या व्यहोर्न परेको हो । करिब १५ सय भन्दा धेरै घाईतेहरुको उद्धार गरिएको छ । बाढीका कारण त्यहाँ मानविय संकट आईपरेको छ । सरकारी प्रेस विज्ञप्तीमा अनुसार ४५ हजार २४९ घरहरु बाढीले पुन बस्नै नमिल्ने गरी पूर्ण रुपमा क्षति गरेको छ ।
पृथ्वीमा अनौठा प्रकारका प्राकृतिक प्रकोपहरु बढन थालेका ले यसको भविश्यको विषयमा समेत बैज्ञानिकहरुले चिन्ता व्यक्त गर्न थालेका छन । बेमौसमी बाढी, पहिलो र भूकम्प तथा सुनामीहरुले कुन देशमा के घटना घट्छ भनेर यसै भन्न नसक्ने अवस्था आएको देखिन्छ । जलबायु परिर्वतन ले पृथ्वीमा अनौठा प्राकृतिक घट्नाहरु घट्नुमा ठुला र विकशित मुलुक जिम्मेवार रहे पनि साना र गरिब मुलुकहरुले त्यसको मुल्य चुकाउन परिरहेको छ ।
