प्रजातान्त्रिक गणतन्त्र कंगो (डीआर कंगो) मा दुईवटा डुंगा आपसमा ठोक्किँदा कम्तीमा ३० जनाको मृत्यु भएको छ भने दर्जनौं यात्रु बेपत्ता भएका छन्।
आइतबार साँझ इक्वेटर प्रान्तस्थित कंगो नदीमा दुर्घटना भएको हो। एक डुंगा राजधानी किन्शासाबाट आउँदै थियो भने अर्को बुसिङ्गाबाट जाँदै थियो। दुर्घटनापछि एक डुंगा डुबेको र अधिकांश यात्रु नदीमा फसेका थिए।
उद्धार टोलीले बेपत्ता यात्रुको खोजी जारी राखेको छ। रातिको यात्रा, अत्यधिक यात्रु तथा मालसामान बोक्ने प्रवृत्तिलाई दुर्घटनाको मुख्य कारण मानिएको छ।
