स्रष्टा परिचय
नाम ः निरज कोइराला
शैक्षिक योग्यता एम. ए. । बी. एड.(नेपाली)
माता ः देवकुमारी कोइराला
पिता ः स्व. भीमप्रसाद कोइराला
जन्म मिति ः २०३४ फाल्गुन १८गते बुधबार
जन्म स्थान ः बेलबारी ८(साबिक डाँगिहाट४) मोरङ
बसोबास ः बेलका १ भौडादेवी टोल (उदयपुर)
हाल ः इटहरी
साहित्य सृजना ः कथा, लघुकथा, लघुनाटक, नाटक, कविता, गजल, मुक्तक, टुक्का, हाइकु , साइनो आदि विविध बिधामा कलम चलाउन सक्रिय
प्रथम प्रकाशित कृति ः “आमा” (खण्डकाब्य )
दोस्रो कृति ः “बाको फोटो” (लघुकथा सङ्ग्रह, प्रकाहनको तयारीमा)
पेशा ः शिक्षा शिक्षण , लेखन
रचना
लघुकथाः पैसाकाे रुख
” जाऊँ जाऊँ , साहिँला बाजेका घरमा ठूलाे भिडभाड छ ।” हल्ला सुनेर सिह्रान घरे जेठा पनि पछि लागे । उनी पुग्दा रुवावासी चलिरहेकाे थियाे । साहिँला बाजेले राेएर धर पाएका थिएनन् । टाउकाे खुइल्याइएकाे थियाे । घाराे तयार पारिएकाे थियाे । साहिँला बाजेकाे छाेराे राताे बाकसमा फर्किएका रहेछन् ।
हेर्दा हेर्दै घाट लगे । घाटमा कुराकानी चल्याे । ” दिनभर ६० डिग्री ताताेमा काम गरेर आएर एसीमा सुतेकाे बिहान साथीहरु उठ्दा अररिएकाे अवस्थामा भेट्टाएछन् । चिनजानका आफन्त खाेज्दै रहेछन् । मैले थाहा पाएँ । अनि जिम्मा लिएर आएकाे ।” लास लिएर आएका अपरिचित एकहाते मान्छे भन्दै थिए । “लु राम्रो काम गर्नुभएछ बाबु ।” ” तपाईँकाे घर कहाँ हाे ?” ” यस्ताे एउटा मात्र हात भएकाे मान्छे के काम गर्न जानुभएकाे ?” प्रश्न बर्षाउन थाले सबैले । अपरिचितले उत्तर दिन कर लाग्याे , “म सत्र बर्ष पहिले साउदी अरब पुगेकाे नेपाली हूँ । म राम्राे काम छ भन्ने बुझेर बाह्र पास गर्ने बित्तिकै गएकाे । पैसा टिप्न गएकाे । त्यसपछि आजै हाे नेपाल टेकेकाे । ” ” यत्राे बर्ष घरतिर खबर गर्नुभएन बाबु ? ” बिचैमा जिज्ञासा पाेखे सिह्रान घरे जेठाले ।
धेरैबेर अनकनाएर बाेल्याे एकहाते, ” हाे बुवा म घरमा खबर सुनाउन चाहन्नथेँ । जसाेत्यसाे पेटपालाे गर्दै उतै जीवनकाे भारी बिसाउन चाहन्थेँ । याे भाइकाे कारण म नेपाल आइपुगेँ । मैले पढ्न छाेडेर पैसा टिप्ने आशामा उच्च शिक्षा पढ्न छाेडेर बिदेश गएकाे थिएँ । माफ गर्नुस् बुवा म पैसाकाे सात तले रुखबाट लडेर रुप र हात गुमाएकाे हजुरकाे छाेरा अभिषेक हूँ ।”
