“पाँच तत्त्व पाँचै विकार पञ्चाङ्ग नै ठिक आधार”
शीर्षक -“देश”
१
देशकै माटो बनाउनु छ हामीले ,
नेपाली भन्ने जनाउनु छ हामीले ।
गौरवान्वित हुँदै बाचौ हुन्न हामी,
आफ्नै माटोमा खनाउनुछ हामीले ,
प्रदेशिलाई तनाउनु छ हामीले ।
शीर्षक -“आमा”
२
संस्कार सगै वंश चलाउने मुलहौं तिमी आमा,
सृष्टि,सृजनाको साथ साथमा धुलहौं तिमी आमा।
यहाँ अधुरा कति हुन्छन् यात्रा आमा तिमी बेगर,
जिवनमा यात्रा कठिन छन् त पुलहौं तिमी आमा,
जुगौँ नओईलिने सुनखरी फूलहौं तिमी आमा।
शीर्षक -” पछुतो”
३
तिम्रो दिलमा पहिलो माया बास भयो,
सुरु सुरुमा खुब चौपट्टै खास भयो ।
सम्बन्धले पूर्णरूप दिन्छ भन्ने थियो,
सोच व्यार्थ रैछ बेकारमा नास भयो,
बचाउछु भन्दा त्यहि माया लास भयो।
शीर्षक -“सम्बन्ध ”
४
तिमीछौँ रत सानू म पनि बाँच्नुको अर्थ छ,
ति आज सम्मका यादहरु साँच्नुको अर्थ छ।
प्रिय कहिले पनि म संग टाढा नहुनु ल,
यस्तै सयौं मालाहरु उन्दै गाँस्नुको अर्थ छ,
अनि यादहरु समालेर हाँस्नुको अर्थ छ।
शीर्षक -“जिवन”
५
जिवनमा बस्नु पर्छ रमाएर सधैं हामीले ,
अन्त्यमा के लानु छर जादा कमाएर हामीले ।
खुसि हुँदै सबै संग मीठो बोलौ जति बाचिन्छ ,
बनाउनु छ यहाँ सम्बन्ध जमाएर हामीले ,
अवस्य मरिन्छ लगिन्छ के समाएर हामीले ?
✍️दुर्गा रिजाल आचार्य
मोरङ
