मनमति साहित्य समाजले मनमति प्रज्ञा जर्नल ८ औं अंक प्रकाशन गर्ने भएको छ । मनमति साहित्य समाजको नयाँ निर्वाचित समितिको यहि २०७८ पुष २४ गते बसेको प्रथम बैठकले सो निर्णय गरेको हो ।
श्रीधर पौडेलको अध्यक्षतामा बसेकोमनमति साहित्य समाजको नव निर्वाचित समितिको प्रथम बैठक एवं रचना वाचन कार्यक्रममा आगामी चैत्र भित्र मनमति प्रज्ञा जर्नलको ८ औं अंक प्रकाशन गर्ने र त्यसको लागि कार्य समितिका सबैले कृयाशिल भइ रचना संकलन गर्न लाग्नु पर्नेमा जोड दिइएको छ ।
बैठक पछि शुरू भएको रचना वाचन कार्यक्रममा रचना प्रस्तुत गर्नेहरुमा चुडा निर्भिक,माधव विडारी,जनक रा अधिकारी,रिता खतिवडा,सुधा बास्कोटा,कविन्द्र तिमिल्सीना,सिता पाण्डे,दुर्गा अधिकारी रिमाल,जनार्दन अधिकारी धड्कन र श्रीधर पौडेलले आ-आफ्ना रचना कविता,मुक्तक,गजल र खोरिया प्रस्तुत गर्नु भएको थियो ।
अन्तमा श्रीधर पौडेलबाट धन्यवाद ज्ञापन गर्नु भइ कार्यक्रम समापन गर्नु भएको थियो ।
