तीतोपाटी, काठमाडौं – कुवेतको गृह मन्त्रालयले कुवेतको घरेलु कामदारहरू (आर्टिकल नं २० ) भिसा बाहकहरुलाई कुवेत बाहिर ६ महिना भन्दा बढी बसेमा उनिहरुको भिसा स्वत: रद्द हुने बताएको छ । यो नियम डिसेम्बर १ बाटै लागू हुने बताइएको छ ।
कुवेतको भिसा सम्बन्धी नियममा कुवेतको भिसा बाहक आप्रवासी कुवेत बाहिर लगातार बसेको ६ महिना पुगे पछी उनिहरुको भिसा स्वत: रद्द हुने नियम छ । तर कोरोना संक्रमणको कारण कुवेतका भिसाबाहकहरु कुवेत बाहिर रहदा ६ महिनामा भिसा स्वत: रद्द हुने काम रोकिएको थियो ।
अझै पनि घरेलु कामदार भिसा (आर्टिकल नं-२० )बाहेक अन्य भिसा बाहकलाई भने ६ महिनाको समायावधी नियम नलगाइएको अरब टाइम्सले लेखेको छ ।
