तितोपाटी- अख्तियार दुरुपयोग अनुसन्धान आयोगले घुससहित एक नायव सुब्बालाई पक्राउ गरेको छ । आयोगले ताहचलस्थित वैदेशिक रोजगार कार्यालयका नायव सुब्बा दुर्गाप्रसाद पोखरेललाई २१ हजार घुससहित पक्राउ गरेको हो ।
पोख्रेलले विभागमा श्रम स्वीकृति बनाउन आएका सेवाग्राहीबाट सो रकम लिएका हुन् । उनले सेवाग्राहीलाई आलटाल गरी अनलाइन फारम भर्न विचौलियासँग जानुपर्ने बाध्यता देखाएको बताइएको छ। पोख्रेलले बिचौलियाको काम गर्ने खेमप्रसाद काफ्लेमार्फत २१ हजार रुपयाँ घुस लिएका थिए ।
नायव सुब्बा पाख्रेल र बिचौलिया काफ्लेले सेवाग्राहीबाट सो रकम लिएको उजुरीका आधारमा आयोगले उनीहरुलाई बुधबार सोल्लीमोडबाट पक्राउ गरेको हो । आयोगले उनीहरुका बारेमा थप अनुसन्धान भइरहेको जनाएको छ।अन्नपूर्णपोस्टबाट
