Sunday 22nd November 2026

मलेसियामा भ्यान दुर्घटना : एक नेपालीको घटनास्थलमै मृत्यु, नौ जना नेपाली गम्भीर घाइते


तितोपाटी- मलेसियामा भएको सवारी दुर्घटनामा परी एक जना नेपालीको मृत्यु भएको छ । बुधवार बिहान भएको उक्त दुर्घटनामा परी एक नेपालीसहित दुई जनाको मृत्यु भएको हो । उक्त दुर्घटनामा परी नौ जना नेपाली घाइते भएका छन् । घाइतेहरूको अवस्था गम्भीर रहेको स्थानीय सञ्चार माध्यमहरूले जनाएका छन् । मलेसियामा सुरक्षा गार्डको काम गर्ने नेपालीहरू लिएर जाँदै गरेको भ्यान दुर्घटनामा परेको थियो । दुर्घटना जोहरबाहरूमा भएको हो । सो दुर्घटना बुधवार विहान पौने ८ बजे आसपास भएको जनाइएको छ ।

दुर्घटनामा परी भ्यान चालक तथा एक नेपालीको मृत्यु भएको हो । दुवै जनाको घटनास्थलमा नै मृत्यु भएको थियो । सो भ्यान रोड डिभाइडरमा ठोक्किएर पल्टिन पुगेको स्थानीय प्रहरीलाई उधृत गर्दै समाचारमा जनाइएको छ । घाइतेहरूलाई सुल्तान अमिन अस्पतालमा राखिएको छ ।दुर्घटनामा परेको नेपालीहरूको अवस्थाका बारेमा जानकारी लिइरहेको मलेसियास्थित नेपाली दूतावासले जानकारी दिएको छ । हाल घाइते नेपालीको उपचार भइरहेको र थप उपचारका लागि पहल गरिरहेको दूतावासले जनाएको छ । शिलापत्रबाट


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...