Saturday 21st November 2026

हवाई यात्रुलाई टिकटको आधारमा विमानस्थल पुग्ने व्यवस्था गर्ने प्राधिकरणको निर्णय


 नेपाल नागरिक उड्डयन प्राधिकरणले आन्तरिक हवाई यात्रुलाई टिकट र परिचयपत्रका आधारमा विमानस्थल जाने र आउने व्यवस्था गर्ने भएको छ। मंगलबार निषेधाज्ञाको समयमा हवाई सेवाा सहजिकरणका लागि प्राधिकरणले विज्ञप्ति सार्वजनिक गर्दै यस्तो निर्णय भएको जानकारी गराएको हो।प्राधिकरण उडान अनुमति शाखाका प्रवन्धक हिराजन काफ्लेले विज्ञप्ति सार्वजनिक गर्दै प्राधिकरण तथा वायुसेवा सञ्चालकबीच भएको छलफलले सहजिकरण गर्ने निर्णय भएको जानकारी दिएका हुन्।

काफ्लेका अनुसार वायुसेवा सञ्चालक र विमानस्थलमा कार्यरत कर्मचारी, सवारी साधनलाई आवश्यकता र औचित्यका आधारमा प्राधिकरणले अनुमति जारी गर्ने, आन्तरिक हवाई यात्रुलाई टिकट र परिचयपत्रका आधारमा विमानस्थल जाने र फर्किने व्यवस्था सम्बन्धित जिल्ला प्रशासन कार्यालयले सहजिकरण गर्नुपर्ने, त्रिभुवन अन्तर्राष्ट्रिय विमानस्थलमा हवाई यात्रुको आवागमनलाई सघाउ पुर्याउन साझा यातायातका बसलाई परिचालन गर्ने व्यवस्था मिलाउने निर्णय गरेको हो। काठमाडौं उपत्यकामा बिहीबारदेखि एक साता लामो निषेधाज्ञा जारी भएपछि प्राधिकरणले यस्तो निर्णय गरेको हो। सरकारले सार्वजनिक सवारी साधन नचल्ने बताए पनि हवाई यातायातको विषयमा केही भनेको छैन।
  

-अन्नपूर्णपोष्टबाट


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...