शेर सायरी गजलमा गढ्ने पनि हजुरै हो ,
मैले लेख्या सबै कुरा पढ्ने पनि हजुरै हो ।
परम्परा धर्म नीति कानुन र अनुशासन ,
वाचाबोली सङ्कल्पमा अड्ने पनि हजुरै हो ।
फेस्बुकमा भेट्नासाथ लाईक र कमेण्ट गरि,
हौसलाका हिरामोती जड्ने पनि हजुरै हो ।
देश भक्ती राष्ट्रियता जन भाव समेटेर ,
यो मुलुकको खातिरमा बढ्ने पनि हजुरै हो ।
चारजात छत्तिस वर्ण फूलबारी दागा धर्ने ,
दुस्मनको जत्थासँग लड्ने पनि हजुरै हो ।
***
टहल आचार्य
कालिञ्चोक ८ सुनखानी दोलखा
