Sunday 22nd November 2026

कुवेतमा हाल सम्म सात लाख भन्दा बढिले कोरोनाविरूद्धको खोप लगाए


तितोपाटी- कुवेतले कोभिड-१९ विरूद्धको खोप सुरु गरेको तीन महीनामा ७ लाख ६ हजारले भन्दा बढिले कोरोना विरूद्धको खोप लगाएका छन

७ लाख ६ हजार भन्दा धेरैले कोरोना विरूद्धको खोप लगाएको यहाँको स्वास्थ्य सुरक्षा निकाय (एमओएच लाई) लाई उद्धृत गर्दै विहिबार स्थानीय सञ्चारमाध्यम अरबटाइम्सले जनाएको छ ।

अहिले कुवेतमा दैनिकरूपमा झण्डै २१ हजार जनाले खोप लगाइरहेका छन। खोप लगाएकाहरूमध्ये कुवेती नागरिक र आप्रवासी नागरिक रहेका छन। कुवेतले कोरोनाविरुद्धको खोप आप्रवासीलाई समेत आफ्नै नागरिक सरह निःशुल्क वितरण गरेको छ । कुवेतको स्वास्थ्य मन्त्रालयको वेबसाइटमा विवरण भरेपछि सम्बन्धित व्यक्तिको मोबाइलमा खोप लगाउने दिन एकिन गरी म्यासेज दिएर खोप लगाउने व्यवस्था मिलाएको जनाएको छ । खोपपछि तीव्ररुपमा फैलिएको कोराना भाइरसको संक्रमण नियन्त्रण सहज हुने कुवेत सरकारका अधिकारीहरुले बताएका छन् ।

कुवेत स्वास्थ्य मन्त्रालयको अनुसार रमादानको अन्तिम महीना सम्म झण्डै ६० प्रतिशतले खोप लगाई सक्ने र २०२१ को अन्तिम सम्ममा कुवेतवासी सबैले खोप लगाईसक्ने बताएको छ।

यसैबीच कुवेतमा हिजो विहिबारको दिन कोभिड–१९ सङ्क्रमण पुष्टि हुनेको सङ्ख्या १३७९ रहेको र विहिबारसम्म (कुल २ लाख ४२ हजार ८४८ व्यक्तिमा सङ्क्रमण देखिएको छ। भने हाल १४ हजार २०५ जनालाई कोभिड–१९ सङ्क्रमण उपचारका लागि अस्पतालमा भर्ना गरिएको छ ।

कुवेतमा अहिलेसम्म २ लाख ४२ हजार ८४८ व्यक्तिमा कोभिड–१९ सङ्क्रमण पुष्टि भए संगै यसमध्ये २ लाख २७ हजार २६० जना उपचारपछि निको भई घर फर्किएका छन् र हाल सम्म १ हजार ३८३ जनाको सङ्क्रमित बाट मृत्यु भएको छ ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...