तितोपाटी – भक्तपुरको मध्यपुर ठिमी नगरपालिका–९ को निकोसेरामा एउटै परिवारका ३ जना मृत अवस्थामा फेला परेका छन् । एकै परिवारका तीनजनाको शंकास्पद मृत्यु भएको पाइएको हो ।
महानगरीय प्रहरी वृत्तका अनुसार (आज) शुक्रबार वर्ष ३६ का सुदीप अधिकारी, श्रीमती वर्ष ३४ की सम्भना अधिकारी र छोरा वर्ष १५ का सुशान्त अधिकारीको शव घरमै फेला पारिएको हो । तीनजनाको शव फरक–फरक तलामा भेटिएको प्रहरीले जनाएको छ । शव उनीहरूको आफ्नै घरमा गन्हाइ सकेको अबस्थामा भेटिएको हो ।
महानगरीय प्रहरी वृत्तले यस घटनाबारे अनुसन्धान थालेको बताएको छ । साथै, यस घटनामा संलग्नलाई पत्ता लगाएर सार्वजनिक गर्ने पनि जनाएको छ ।
घरको पहिलो तल्लामा छोरा सुशान्त, दोश्रो तल्लामा श्रीमती सम्झना अधिकारी र कुकुरको शव र माथिल्लो तलामा सुदीप अधिकारीको शव फेला परेको बताइएको छ । केही दिन पहिले नै घटना भएको जस्तो देखिएको प्रहरीले जनाएको छ ।
उक्त घटना कहिले भएको र कसले गरेको भन्ने विषयमा अनुसन्धान थालिसकेको प्रहरीले जनाएको छ ।
