Sunday 22nd November 2026

कोरोना परिक्षणको शुल्क घट्यो, लक्षण देखिएका बिरामीलाइ मात्र निःशुल्क परिक्षण गरिने


तितोपाटी – नेपालमा कोरोना भाइरस (कोभिड-१९) परीक्षणको शुल्क घटेको छ । अब उप्रान्त जम्मा ४ हजार ४ सयमा पीसीआर परीक्षण गराउन सकिन्छ । स्वास्थ्य तथा जनसंख्या मन्त्रालयका सह-प्रवक्ता डा. समिरकुमार अधिकारीका अनुसार आइतबारबाटै लागू हुनेगरी कोरोना परीक्षणको शुल्क घटेको हो। त्यसै गरि कोरोना संक्रमणको लक्षण देखिएका बिरामीलाइ मात्रै निःशुल्क परिक्षण गरिने निति पनि सरकारले लिएको छ ।

यसअघि सरकारले पीसीआर परीक्षण गराउन ५५ सय रुपैयाँ शुल्क तोकेको थियो। सरकारले लक्षण देखिएका व्यक्तिको मात्र कोरोना परीक्षण निःशुल्क गर्ने भए सँगै अब लक्षण नदेखिएका व्यक्तिले भने सरकारले अनुमति दिएका अस्पतालमा गएर शुल्क तिरेर परीक्षण गराउनु पर्नेछ।

त्यसै गरि सरकारले विश्व स्वास्थ्य संगठनको मापदण्ड अनुसरण गर्दै कुनै पनि अस्पतालमा उपचार गरिरहेका कोरोना संक्रमितको पहिलोपटक स्वाब लिइ सके पछि पुनः १० अाैं दिनमा पीसीअार परिक्षण गर्ने, नेगेटिभ अाएमा डिस्चार्ज गर्ने र पोजिटिभ अाएमा त्यसपछि भने परिक्षण नगरी ४ दिन पछि डिस्चार्ज गर्न गराउन पनि सबैमा जानकारी पनि गराएको छ ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...