Friday 22nd August 2025

तिज गीत -प्रमिला पराजुली (भण्डारी)


यसपालीको तिजमा कोरोनाको डर ।
कहाँ जान पाईएला र माईतीको घर ।
बिरानो पो हुने हो कि मेरो माईती घर ।
अर्को वर्ष पोहोर जस्तै आउँछु बरोबर ।१।

मिलेरै बसौं सासु,नन्द सबैजना कर्म घर ।
आमा अनि बहिनी समान छैन कोही पर ।
आगे साल अाउँछु वर यो साल पर-पर ।
कालले साँचे फेरि फेरि,खाउँला नि दर ।२।

सुरच्छित रहन नहिड्नुहोस् लखर लखर ।
न निस्किउँ बाहिर भित्रै बसौं आफ्नो घर ।
ज्यान भन्दा ठुलो हैन चाड मनाउने रहर ।
के हुँदैछ दैनिक सुनौं कोरोनाको खबर ।३।

जे जस्तो छ खुसी हुँदै जहाँ डेरा, कोठा, घर ।
बँच्ने उपाय खोजौं, खान चाहिन्न दुधको तर ।
सम्झिँदा नि दुख्छ मुटु छाती चिरी चरचर ।
कति बनायो बिजोग कति रुन्छन् धरधर ।४।

देशै भरी कोरोना,बाढी-पहिरो वर्षा झरझर ।
मानव विनाश सुन्दा कम्प छुट्यो थरथर ।
त्यसैले यसपालीको तिज मान्ने कर्म घर ।
साँच्चै बाँचे अर्को वर्ष तिज मान्ने जन्म घर ।५।

-प्रमिला पराजुली (भण्डारी)
पेप्सीकोला, काठमाडाैं ।


सम्बन्धित शीर्षकहरु

अगस्ट २०२५ – ईजरायलमा हालै तीव्र बनेको सैन्य मस्यौदा (मिलिटरी ड्राफ्ट) विवादका कारण हारेदी अर्थात् अति अर्थोडक्स यहुदी समुदाय सडकमा…

बेरुत: संयुक्त राष्ट्र सुरक्षा परिषद्ले आफ्नो मिसन विस्तार गर्ने बारेमा बहस सुरु गरेपछि लेबनानी राष्ट्रपति जोसेफ आउनले मंगलबार देशको दक्षिणमा…

गाजा: २२ महिनाभन्दा बढी समयदेखि चलिरहेको युद्ध अन्त्य गर्न नयाँ कूटनीतिक प्रयासपछि हमासले गाजाको लागि नयाँ युद्धविराम प्रस्ताव स्वीकार गरेको…

प्रतिकृयाहरू
...