Saturday 8th February 2025

नेपालमा पछिल्लो २४ घण्टामा ४६८ संक्रमित थपिए, मर्नेको संख्या १०० नाघ्यो


तितोपाटी – विश्वव्यापी महामारीको रूपमा फैलिएको कोभिड-19 नोवल कोरोना भाइरसको कारण नेपालमा पछिल्लो २४ घण्टामा थप ४६८ जनामा कोरोना संक्रमण पुष्टि भएको छ भने मर्नेको संख्या १०० नाघेको छ । अहिलेसम्म कुल संक्रमित संख्या २६०१९ पुगेको छ भने देश भरका अस्पताल तथा आइसोलेसन सेन्टरमामा ८१९३ जना उपचाररत रहेका छन् । पछिल्लो २४ घण्टामा १२४ जना कोरोना जितेर घर फर्केका छन् भने  ३ जनाको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार शनिबार अपरान्ह सम्म कुल १७२०१ जना कोरोना संक्रमणबाट निको भएर घर फर्किएका छन् । त्यसै गरि  पछिल्लो २४ घण्टामा कपिलवस्तुका ४० वर्षीय पुरुष,पर्साका ६० वर्षीय पुरुष र धनुषाका ५० वर्षीय पुरुषको जनाको मृत्यु भएको छ भने अहिलेसम्म कोरोनाको कारण मृत्यु हुनेको संख्या १०२ पुगेको छ । गएको २४ घण्टामा ११०४७ वटा पीसीआर परीक्षण गरिएको छ। हालसम्म देशभरभा ३९ वटा प्रयोगशालाबाट पीसीआर विधिबाट ५ लाख ५ हजार ६ सय  ६० जनाको परीक्षण भएको  छ भने हाल क्वारेन्टाइनमा १४ हजार ४ सय ४८ जना रहेका छन् ।

हाल कोरोना संक्रमितको उपचारको लागि देशभर ९४२ अाइसियु बेड र ४९६ वटा भेन्टिलेटर रहेका छन् भने आइसियुमा ९८ जना र भेन्टिलेटरमा ४ जना उपचाररत रहेको स्वास्थ्य मन्त्रालयको मिडिया ब्रिफिङमा बताइएको छ । त्यसै गरि कोरोना संक्रमित भेटिए पछि संक्रमित संग सम्पर्कमा आएका मानिसहरूले तत्कालै पिसिआर परिक्षण गरेको पाइएको र तत्काल परिक्षण गर्दा भाइरसको संक्रमण नदेखिने भएकोले कम्तिमा पनि ५ दिन पछि मात्रै पिसिआर परिक्षण गर्न अनुरोध गरिएको छ भने फ्रन्टलाइनमा रहेर संक्रमितहरूको उपचार गराइरहेका स्वास्थ्यकर्मीहरू संक्रमित हुँदा दुर्ब्यावहार नगर्न नगराउन र अर्को सूचना नहुँदा सम्म कुनै पनि गोष्ठी, सेमिनार, सम्मेलन वा सभा नगर्न सबैलाइ सूचित गरिएको छ । त्यसै गरि देश भरका सबै मेडिकल कलेजहरूलाइ छुट्टै आइसोलेसन सेन्टर वा भवन छुट्याइ उपचार क्षमताको १ तिहाइ बेड कोरोना उपचारको लागि छुट्याइ तत्काल उपचारको व्यावस्था मिलाउन सूचना जारि गरिएको छ ।

विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म २ करोड १३ लाख ८७ हजार भन्दा बढि संक्रमित भइ १ करोड ४१ लाख ६९ हजार भन्दा बढिले स्वास्थ्यलाभ गरिसकेका छन् भने ७ लाख ६४ हजार भन्दा बढिको ज्यान गइसकेको छ ।


सम्बन्धित शीर्षकहरु

ईजरायल विरुद्ध हावी बनेको अन्तराष्ट्रिय फौजदारी अदालतका विरुद्धमा राष्ट्रपति डोनाल्ड ट्रम्प खरो रुपमा उत्रिएका छन । उनले ईजरायली राष्ट्रपति बेन्जामिन…

उमा कता छौ? पानी ल्याउन कस्तो प्यास लागेको। गर्मी चढिसक्यो नि बाबू अब त। आमाले गिलासमा पानी ल्याइदिईन्। तपाईं त…

साहित्यिक पत्रकार , अग्रज साहित्यकार, जनमत राष्ट्रिय मासिकका प्रधानसम्पादक मोहन दुवाललाई पाल्पा साहित्य समाजले सहिद दिवसको अवसरमा पाल्पाको तानसेनमा सम्मान…

प्रतिकृयाहरू
...