Sunday 22nd November 2026

पहिरोले घर पुरिँदा दुई परिवारका ६ जनाको मृत्यु


तितोपाटी – कालिकोट  जिल्लाको महाँवै गाँउपालिका-३ नकुमा पहिरो जाँदा दुई परिवारका ६ जनाको मृत्यु भएको छ। महाँवै गाउँपालिका-३ का वडा सदस्य रजबहादुर बिष्टको घर पहिरोले पुरिएको हो। रजबहादुर बिष्टका दुई छोरा दुई छोरी र दाजु डिलबहादुर बिष्टका दुई छोरीको घटनास्थलमै मृत्यु भएको जिल्ला प्रहरी कार्यालयका सूचना अधिकारी यक्षराज जोसीले बताए।

उनका अनुसार गएराति रजबहादुर बिष्टको घरमा तीजको अवसरमा रमाइलो गर्ने भन्दै नाचगान चलिरहेको थियो। पहिरोमा परी रजबहादुर बिष्टका छोरा १३ वर्षीय पुष्प बिष्ट, ११ वर्षीय प्रविण बिष्ट, छोरीहरु १८ वर्षीया सबिना बिष्ट, १५ वर्षीया आशा बिष्टको मृत्यु भएको हो। त्यसैगरी रजबहादुरका दनजु डिलबहादुर बिष्टकी छोरी १९ वर्षीया कान्ती बिष्ट र १० वर्षीया रेखा बिष्ट पनि पहिरोमा परी भएको प्रहरीको भनाइ छ।

पादमघाट प्रहरी चौकीबाट खटिएको प्रहरीको टोली र स्थानीयको सहयोगमा शुक्रबार बिहान शव निकाली सनाखत गरिएको जोसीले जानकारी दिए। यस्तै जिल्लाको नरहरीनाथ गाउँपालिका-१ कोटबाडाको धारीमा पहिरो खस्दा दुई जना घाइते भएका छन्। पहिरोले ७० वर्षका नरबहादुर बिष्टको घर पुरिएको छ।नरबहादुर बिष्ट र उनका नाती रतन बिष्ट घाइते भएको हुन्। प्रहरीका अनुसार घाइतेमध्ये नरबहादुर बिष्टको अवस्था गम्भीर रहेको प्रहरीले जनाएको छ। उनीहरु दुवैको स्थानीय कोट्बाडा स्वास्थ्थ्य चौकीमा उपचार भइरहेको छ।

-अन्नपूर्णपोष्टबाट


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...